Lŏ rơh rƀŭn ƀư nau kan râng Rơh rƀŭn nau geh jêng Châu Á tal 30 ta Nhật Bản, kêng măng 28/5, Groi Thủ tướng Nguyễn Chí Dũng lŏ ntơm ƀư âk nau kan khlay. Tâm nê, nau khlay ngăn lah râng rơh tâm nchră văng sa Việt Nam- Hokkaido ndrel vơt Kruanh Hokkaido. Ntoh nau tâm nar tâm nchră văng sa Việt Nam-Hokkaido, Groi Thủ tướng Nguyễn Chí Dũng lah rjăp, nau tâm boh văng sa đah 2 ding hôm âk nau hun hao ndrel leo luh du đê̆ nau kan mhe đah n’gâng kan ndrel nsum mpôl ntŭk kan đah bar dak, kơt:

N’hao nau tâm boh văng sa, văn hoá đah Hokkaido ndrel ăp nkuăl bah Việt Nam, mĭn ơm pơk trong mpăr sŏng nthoi Hokaido ndrel ăp n’gor bah Việt Nam. Groi Thủ tướng lah rjăp, Chính phủ Việt Nam ton mro hăn ndrel pơk trong nơih ân ăp tơm ntuh kơl tâm ndrel bah dih dak, tâm nê geh ăp tơm ntuh kơl Nhật Bản ndrel Hokkaido, ntuh kơl ƀư nau kan tăch rgâl nâp nâl, săk tam, jŏ jong ta Việt Nam./.