Tâm 8 khay năm aơ, Việt Nam wơt bơi 16 rkeh tơ̆ năch dak bah dih, 113 rkeh tơ̆ năch tâm dak; lĕ rngôch nsĭt geh bah năch pâl nđaih tât 780 rbăn rmen prăk. Lam dak aƀaơ geh rlău 4.600 doanh nghiệp dơi pă an siƀŭt leo hăn jong nar năch pâl nđaih dak bah dih, rlău 44.000 ntŭk manh gŭ nde pâl nđaih, 538 ntŭk pâl nđaih.

Ta rơh hop, ăp nuĭh ntơh măt an lah ndơ dŏng pâl nđaih n’hanh buăt nthoi hôm lah kô̆ yơn kol khan đŏng; ndơ geh ƀư pâl nđaih ta âk n’gor mô hŏ đăt ndal, hôm geh tĭng khay tât năch, huêt jê̆; nuĭh kan săk blău hôm đêt. N’glôch jêh rơh hop, Groi Thủ tướng Phạm Thị Thanh Trà đă wat jêh trong nchrăp hun hao jŏ jong pâl nđaih Việt Nam tât năm 2035, uănh ngai tât 2045 bah năp nar 15/12; rdâk njêng bôk nău kan ntĭm nti tơm nuĭh kan săk blău âk, ntrôl ngăch rgâl mbrô n’hanh ndăn nar ƀư APEC gay ntrŭt ntrôl ngăch, nkơnh n’hơ pâl nđaih Việt Nam.