VOV4.M'nông: Dơn nău jă bah Chính phủ dak Cộng hòa nhân dân Trung Hoa, nar 16/9, Groi Thủ tướng Rnâng kan Chính phủ Phạm Bình Minh râng n'hanh lah ta rnôk ntơm pơk  Hội chợ ASEAN - Trung Quốc n'hanh tâm nchră gưl têh tăch rgâl ntuh kơl ASEAN - Trung Quốc (CAEXPO n'hanh CABIS) tâl 19 ta Nam Ninh, Nkual mât êng rnoi Choang Quảng Tây, Trung Quốc tĭng trong rhôp rup. Lah ta rơh ntơm pơk, Groi Thủ tướng Rnâng kan Phạm Bình Minh rnê âk nău bar ding njêng tâm boh têh dơi jŏ jong lam lĕ rngôch yor ma đăp mpăn, rnă njrăng, têh ndrŏng n'hanh hun hao nâp dăng; ASEAN n'hanh Trung Quốc lah dak tâm boh tăch rgâl dŭt têh, đah lĕ rngôch nsĭt geh tăch rgâl bar ding năm 2021 geh rnoh dŭt âk mhe 669 rmen USD. Groi Thủ tướng Rnâng kan Phạm Bình Minh dăn đă Chính phủ Trung Quốc nta trong dơh rvăt n'glăp âk lơn ndơ tăch rgâl, ndơ tuch tăm săk kah uĕh bah Việt Nam tâm ban kơt ăp dak ASEAN nđơn rdeng rlău Việt Nam; ntrŭt ntrôl tâm boh ta âk trong kan rgâl mhe, rgâl mbrô, wăng sa mbrô, tăch rgâl điện tử; n'hao dăng tâm boh tâm ăp trong kan hun hao kloh uĕh, jŏ jong./.

Nuĭh rblang: Điểu Thân