Kêng măng 2/1, Groi Thủ tướng Trần Hồng Hà ƀư tơm nar rbŭn mpeh nau đă nau bonh hun hao bôk ndeh dŏng điện. N’gâng kan gung trong nchuăn rdreng năl bôk ndeh dŏng điện lah nau ueh ngăn gay ma rgâl ân nau dŏng pring, xăng. Tâm nar rƀŭn, rđau kan ăp N’gâng kan hŏ nchră tât nau kan, nau kơl đah ndơ dŏng ueh ma ntŭk ntu gŭ âm, rnglăp trạm sạc điện tâm đô thị; kơl an ƀon lan, ntŭk kan nchuăn rdeng dŏng ndeh điện.

Lôch nar rƀŭn, Groi Thủ tướng Trần Hồng Hà đă: N’gâng kan ntŭk ntu gŭ âm ndal ƀư jêh nau nchrăp, nau dơi mpeh hôl khih đah bôk ndeh dôl geh dŏng, nau dơi năl tâm ăp nkuăl, ntŭk geh rnoh hôl khih hô kơt lah ân ƀư ăp nau kan n’huch bôk ndeh ƀư hôl khih, ntrơn dŏng ndeh điện; mĭn kơl an nau kan, nau blau bah du đê̆ neh dak mpeh nau tâm rgop ma ăp ntŭk kan bah lam ntur neh gay lŏ geh tơm prăk ntrơn rgâl dŏng ndeh điện./.