Nkhêp geh năm mhe 2026 n’hanh nchrăp wơt Tết Nguyên đán Bính Ngọ, kêng măng 4/2, ta Hà Nội, Tổng Bí thư Tô Lâm râng rơh mâp măt cán bộ công an gưl têh rlău ăp rơh. Ntơh măt kruanh rđău kan Đảng, Ngih dak, Tổng Bí thư njuăl nău ôp khâl dêh bên n’hanh mbah rhơn năm mhe tât ăp nuĭh ndrel rnăk wâl.

Rgum nkah tay nô nău neh dak, Tổng Bí thư lah rjăp, tâm nău rhơn nsum mpeh nău dơi Đại hội tâl XIV bah Đảng, Việt Nam dôl dâk bah năp trong dơh soih têh tâm rơh hun hao bah rnoi nuĭh. Tổng Bí thư mpơl nău rhơn rnôk nău khlay bah mpôl kruanh rđău kan ơm Công an ƀon lan lor bôk năp dơi njêng năl têh khlay ta siƀŭt nchrăp lor dăn đă Đại hội XIV. Tổng Bí thư lah rjăp, bol hŏ rlu ranh, ăp nuĭh hôm bôk rngok gĭt blău, geh nău tă ơm gĭt kan, lĕ nuih n’hâm; dăn đă ntĭt leo lor tay ta ntŭk, lah ntŭk nsing chính trị khlay, nsrôih rgop rdâk njêng mpôl Công an ƀon lan tơm n’gâng, đăng hăr, têh dăng mhe.