Măng lơ 23/12, ta ntŭk kan Chính phủ, Groi Thủ tướng Trần Hồng Hà leo rơh rƀŭn nchră  tal 27 bâh Rnâng kan leo kan ngih dak mpeh njrăng rdâng sŏk dŏng tui ka mô tâm di, mô geh mbơh dăn, mô geh tĭng nău ntrŭnh (IUU). Nău mbơh tơih ta rơh rƀŭn nchră nău kan mât uănh duk ka, uănh nđôi nău pah kan an geh mât nău kan na nê̆, lĕ geh nchih rgum n’hanh mbơh tơih rnoh săk duk ka geh jut jăng nău mbơh dăn nău kan gay ma uănh năl, njrăng rdâng bơi tât 11 rbăn  rơh, tâm pơh ba năp mô geh nău duk ka geh ƀư tih ta nkual dak lêng dak bah dih. groi Thủ tướng đă uănh njrăng lĕ ăp nău kan, an geh ƀư lôch mbơh tơih njoăl an Uỷ ban châu Âu bâh nău kan rjăp jăp, dơn kan, mbơh tơih na nê̆ nău tât n’hanh rmal ăp nău geh tât êng. Groi Thủ tướng Trần Hồng Hà đă n’gâng kan tuch tăm n’hanh ntŭk gŭ rêh ƀư lôch nău mbơh tơih njrăng rdâng sŏk dŏng IUU, njoăl an EC ta năp lơ 31/12/2025.