Nar aơ (6/6), Rgum nchră wăng sa lam  ntŭr neh St. Petersburg (Nga) tâl 27 lăp nar pah kan tâl 2. Rơh ntơm pơk rgum nchră ngăn ƀư tâm nar aơ. Groi Thủ tướng Trần Lưu Quang leo mpôl ntơh măt Việt Nam râng n’hanh lah ta rơh ntơm pơk.

 Đah nkô̆ tơm “Jâng nsing bah lam ntŭr neh âk mbah dŭt – jêng ăp bôk hun hao mhe”, tâm trôm nar rgum nchră, ăp nkô̆ nău mpeh tâm boh dak bah dih mpeh chính trị lam ntŭr neh tĭng nău way ơm mbra tâm nchră  lam hvi. Rgum nchră mbra nkoch  mbơh ăp ndơ dŏng kan ngăn ngăn gay tâm dâl trong tăch rgâl nsĭt geh n’hanh hun hao ăp doanh nghiệp jê̆ n’hanh dah găp. Rlău ma nê, ta rgum nchră geh ăp nău mbơh rblang mpeh ăp trong ntop kơl doanh nhân, ăp nău dăn đă ntuh kơl n’hanh ăp trong ntĭt leo geh nău dơi ngăn ngăn. Rgum nchră đah nău tât râng bah âk kruanh gưl têh ăp dak, kruanh ăp doanh nghiệp n’hanh mpôl khoa học, ntơh măt ăp doanh nghiệp jê̆ n’hanh dah găp ndrel 18.600 nuĭh ntơh măt tât bah 139 dak n’hanh nkual neh lam ntŭr neh.