Kêng măng 19/3, Groi Thủ tướng Trần Lưu Quang hŏ vơt Kruanh ntŭk kan tâm boh lam ntur neh Hàn Quốc (Koica) Chang won-sam dôl khâl Việt Nam. Groi Thủ tướng Trần Lưu Quang mbơh, tât lôch năm 2023, tơm prăk kơl an mô mplŏ sĭt bah Chính phủ Hàn Quốc bah Koica ân Việt Nam geh nklăp 600 rkeh đôla Mỹ. Groi Thủ tướng đă Koica lŏ kơl an n’hao rnoh kơl an ân Việt Nam, ngăn lah tâm nau kan rgâl nau blau mhe, ntrơn rgâl mrô, hun hao nau kan prêh.

Nkre lah, đă Koica uănh ntrŭt dăng Chính phủ Hàn Quốc geh nau ton ngăn ân nau kan pă điện ƀon lan tă bah trong điện neh dak ta n’gor Điện Biên, đah rnoh nklăp 20 rkeh đola Mỹ. Kruanh Koica Chang Won-sam mbơh, Chính phủ Hàn Quốc ndrel Koica uănh khlay nau tâm boh ma Việt Nam, nchrăp tâm năm aơ mra n’hao tơm prăk ODA ân Việt Nam rlau 52 rkeh đola Mỹ, hao bơi tât 50% rđil năm 2023, Kruanh Koica lah rjăp./.