VOV4.M'nông: Ôi 21/9, ta Nhih pah kan Chính phủ, Groi Thủ tướng Chính phủ Vũ Đức Đam pah kan đah Bộ Y tế, ăp hiệp hội, doanh nghiệp tâm dak, dak bah dih mpeh trong hun hao jŏ jong công nghiệp dược tâm dak. Ăp đại biểu dăn đă “Chính phủ ơm mbơh dăn rgâl nkra luật dược tĭng trong rhuăt glêh tâm năm 2023 mbra nkra dơi nău jêr jŏt mpeh njong nar dŏng dak si, mât rnoh khlay dak si".

Tĭng nău mbơh bah Cục mât uănh dak si, rnoh ngăch hun hao rĭng geh bah n'gâng kan công nghiệp dược aƀaơ nklăp 10-12%. Ƀư njêng dak si tâm dak âk 46% lĕ  rngôch rnoh khlay dak si săm. Ăp nhih máy mô hŏ ŭanh khlay gŭ mĭn tâm njêng dak si công nghệ mhe, dak si mhe, dak si way tam săm....Tĭng ăp nuĭh, tâm bah ri aơ, trong kan mât rnoh khlay dak si, rƀŏng trong dŏng dak si hŏ mpăng đêt nău ndơ̆ rgâl công nghệ njêng dak si mhe. Nău kan ntuh kơl an gŭ mĭn n'hanh hun hao hôm dŭt đêt. Ăp nău dăn đă ăp trong kan công nghiệp dược ân rgum wăch ntuh kơl tâm công nghệ nkret njêng n'hanh n'hao săk tam dak si; tăm tơm; rdâk njêng ăp ntŭk rgum mĭn njêng vaccine, ƀư njêng âk tơm dak si tâm dak; n'hao nău dơi gŭ mĭn, ŭanh năl săk tam dak si./. 

Nuĭh rblang: Điểu Thân