Tâm trôm rơh rƀŭn tal 2, HĐND n’gor Dak Lak khóa 11, kêng măng 23/12, ăp đại biểu tâm nchră ta rmôt mpeh nău rƀŏng hao jêng wăng sa năm 2026. Na nê̆ dơi ăp đại biểu ntĭm kloh geh hao jêng năm 2025 bah n’gor Dak Lak knŭng geh 6,68%, đêt lơn nău rƀŏng n’gluh an. Tâm rnôk nĕ, nău rƀŏng hao jêng bah 10% let lơ tâm năm 2026 tĭng trong nchrŏng bah Trung ương n’hanh Nghị quyết Đại hội Đảng bộ n’gor, lah dŭt jâk têh. Tĭng wa Trần Văn Tân, Giám đốc N’gâng kan prăk kaih n’gor Dak Lak gay ƀư rgâl nău rƀŏng aơ, n’gor nchrŏng trong hao dăng công nghiệp, ndâk ƀư n’hanh nău rhŏ, uănh ntuh kơl nsum n’hanh prăk bah dih tơm prăk ngih dak lah 2 n’gâng tơm khlay.

Mpeh nkual công nghiệp ndâk ƀư, mĭn lah tay nău dơi hao jêng khlay đah rnoh hao jêng lah 18,14%. Nkual ntuh kơl nsum an rgum pă an prăk 100% prăk ntuh kơl nsum tĭng nău nchrăp, nchrăp tơm prăk aơ nklăp rlău 14.000 rmen prăk. Rlău ma nĕ ndăn ăp tơm prăk bah ăp nău nchrăp ƀư ma Trung ương mbơh ƀư ta ntŭk. Đah ăp tơm prăk ntuh kơl bah dih tơm prăk, an rgum dôh rklaih ăp jêr jŏt wăk kol, ngăn lah tâm samƀŭt nchrăp ntuh kơl gay ăp nău nchrăp ƀư aơ mbơh ƀư.