Lơ 23 n’hanh 24/12, Hội đồng nhân dân n’gor Dak Lak khóa 10, năm kan 2021-2026 ƀư rƀŭn tal 2. Ta rơh rƀŭn, ăp đại biểu rgum uănh mĭn tay, uănh lah nu nău ƀư tĭng nău kan hun hao wăng sa-rêh jêng, mât njrăng bri dak-rnă njrăng năm 2025 n’hanh tâm nchră, ntrŭnh trong nchrŏng, nău rƀŭn, nău kan năm 2026.

Tĭng nău mbơh bah UBND n’gor, tâm năm 2025, bôl mâp jêr jŏt, ngăn lah khuch bah phŭt 13 n’hanh ăp rơh mih dak lip têh ƀư khuch khat rlău 12.000 rmen prăk, wăng sa-rêh jêng bah Dak Lak hôm e dơi đăp mpăn lĕ rngôch. N’gor geh 12/16 rnoh an wăng sa-rêh jêng geh n’hanh rlău trong nchrăp; rĭng geh bôk nuĭh geh rlău 80 rkeh prăk; dĭng lĕ sŏk an tơm prăk geh 16.500 rmen prăk; geh prăk tăch n’gluh geh 2,8 rmen đôlar, hao 26% nkôp đah năm 2024. Ăp ntil nău văn hóa-rêh jêng dơi uănh tât, đăp mpăn rêh jêng dơi tŏng ăp, rnoh rnăk ach o hŭch bah 3% let lơ, êng rnăk ach o tâm ƀon lan rnoi mpôl đêt hŭch rlău 4%. Mât njrăng bri dak-rnă njrăng dơi nâp nâl.