Ta Ntŭk rgum kan Văn hóa – Pâl nđaih n’gor, Hội chợ – Pla n’hơ pă an nklâm ndơ, ndơ geh ƀư công nghiệp thôn ƀon ntoh lư n’hanh ndơ geh ƀư OCOP nkre đah Lễ hội ndơ sa kah Tây Nguyên năm 2025 hŏ ntơm pơk ngăn. Nar ƀư tă bah Sở Công Thương Dak Lak ƀư tơm, ƀư ntơm bah aơ tât nar 25/12. Hội chợ rgum rlău 250 ndrơng ndơ bah rlău 100 doanh nghiệp, hợp tác xã, ntŭk ƀư njêng tât bah 16 n’gor, nkual ƀon têh lam dak, pla n’hơ ndơ geh ƀư OCOP, ndơ geh ƀư công nghiệp thôn ƀon ntoh lư, ndơ kah khlay mpeh nkual n’hanh ntŭk rlong saơ ndơ ngêt sa Tây Nguyên.

Aơ lah nău kan ntrŭt ntrôl ngăch tăch rgâl rgum tơm kêng dŭt năm, njêng trong buăt nthoi ntŭk tăch rgâl, nkơnh n’hơ ndơ geh ƀư ntĭt êng n’hanh ntop kơl doanh nghiệp pơk hvi ntŭk tăch rgâl. Wa Đỗ Thị Thu An, Giám đốc Sở Công Thương Dak Lak an gĭt hội chợ dơi ƀư di tâm rnôk rvăt năp âk kêng dŭt năm, rnôk ăp ndơ geh ƀư hŏ sơch sơch bah tâm dâng. Ăp nuĭh râng mô dơn uănh khlay săk kah uĕh ma hôm n’gluh rnoh khlay tâm di, tŏng an nău ŭch geh dŏng ndơ bah nuĭh ƀon lan, lơn lah tâm rnôk Tết Nguyên bơi tât.

“Bah meng ăp săk kah ndơ geh ƀư, ăp n’gor ndjôt ăp ndơ geh ƀư rnoh khlay dŭt tâm di gay nkoch mbơh tât kônh wa ăp ndơ geh ƀư dŭt ntĭt êng bah ăp n’gor bah 16 ntŭk êng tâm tâm lam dak.”