Ôi 22/3, Trung ương Hội nông dân Việt Nam ƀư tâm nchră pơk sŏng dăng lam  dak đăm gĭt jru, an tĭng ƀư Nghị quyết mbrô 46 bah Bộ chính trị mpeh rgâl mhe, n’hao săk tam kan bah Hội Nông dân Việt Nam.

Tâm nchră gay kơl an cán bộ hội viên ƀon  lan kan lŏ mir ăp gưl rƀah gĭt nkô̆ bah ăp Nghị quyết; n’hao nău gĭt êng, nău dơn kan, ndơ̆ Nghị quyết tât tĭng hội viên, bah nê, njêng suan ntrôl hun hao tâm rlong rŏng dak, rgop tĭng ƀư geh nău dơi ăp rnoh tât ndơ̆ luh, nău dơn kan hŏ ndơ̆ luh. Nău an ƀư gŭ  mĭn, kơt nti, đăm gĭt, nkoch trêng Nghị quyết ân tĭng ƀư jăp, rgum ƀư kloh rƀah gĭt ăp nău mĭn, nkô̆ n’gâng tơm, rnoh tât nkrum lam, ăp  trong rƀŏng têh, nău dơn kan rgum, rnoh tât kan khlay, ntơm bah nê ƀư jêng ngăn ngăn gay leo an ƀư, năn ngăch, blău mhe, geh nău tam đah nău dơn kan bah tĭng gưl hội, tĭng n’gor ntŭk tơm hội, njêng nuih n’hâm rhơn nđơr trong leo tâm rlong khuh n’gôr ta ăp gưl Hội.