Đại hội 14 bah Đảng geh bôk nău: Đah n’ha cờ ntoh ang bah Đảng, ndrel soan, ndrel nuih n’hâm ƀư dơi ăp nău rƀŏng hun hao neh dak tât năm 2030; ƀư tơm têh khlay, hao êng, nsing nơm, rƀŏng dăng tâm rach năm hao êng nơm bah rnoi nuĭh yor đăp mpăn, ƀon lan ƀư tơm, têh ndrŏng, uĕh lăng, gĭt blău, nâp njoat hăn chủ nghĩa xã hội.

Đại hội 14 bah Đảng lĕ lôch jêh ăp bôk nău n’gluh an, đah nău kan kiểm điểm nău ƀư tĭng Nghị quyết Đại hội 13 rgop đah n’glôch jêh 40 năm Rgâl mhe, mĭn lah ăp nău geh khlay ntoh lư, ntĭm ăp nău ê hŏ dơi ƀư, mô rjăp n’hanh nkô̆ nău, thoăt luh ăp nău nti têh, geh nkô̆ nău lý luận n’hanh thực tiễn jŏ jong an n’hâm soan nău ndâk njêng, hun hao neh dak; tâm nchră n’hanh mbơh an trong rƀŏng, nău ŭch, nău kan khlay rgâl mhe têh an lvang 2026-2030, uănh tât năm 2045; kiểm điểm jru n’hanh lĕ rngôch; săch Ban Chấp hành Trung ương Đảng khóa 14.

Đah nuih n’hâm rgâl mhe, đah lĕ nău kan têh n’ăp bah năp neh dak n’hanh Rnoi nuĭh, Đại hội săch n’hanh săch Ban Chấp hành Trung ương Đảng khóa 14 geh 200 đồng chí, tâm nĕ geh 180 đồng chí Ủy viên na nê̆ n’hanh 20 đồng chí Ủy viên dự khuyết.

Ôi 23/1, Ban Chấp hành Trung ương Đảng khóa 14 ntơm ƀư Rƀŭn nchră rơh bôk năp, săch Bộ Chính, Tổng Bí thư, Ban Bí thư, Ủy ban Kiểm tra Trung ương Đảng, Chủ nhiểm Ủy ban Kiểm tra Trung ương Đảng khóa 14.

Đại hội đại biểu lam dak rơh tal 14 bah Đảng lôch uĕh lah rup ndâh bah way ơm tâm rnglăp bah Đảng, rup ndah bah nău nsing nơm n’hanh mpŏng ŭch yor du neh dak đăp mpăn, nkhah êng, ƀon lan ƀư tơm têh dăng, ndrŏng uĕh, blău uĕh, uĕh lăng; nâp njoat hăn tât rach năm mhe, rach năm têh ndrŏng đah nău rđău, djôt bôk bah Đảng, ndâk njêng lôch dơi dak Việt Nam xã hội chủ nghĩa./.