Tĭng nău mbơh bâh UBND n’gor Khánh Hoà, nkô̆ nău uănh nđôi rgum ta ăp rmôt kan nău mpŏng kan tơm khlăy geh: rnoh kan bâh ƀon lan, rnoh nkuăl ƀon têh, nău gĭt blău hun hao wăng sa- rêh jêng, nău ndơ dŏng ntung trong n’hanh nău rêh jêng, nău dơi mât uănh, leo kan nkuăl ƀon têh, mât ueh ntŭk gŭ rêh, an tâm di đah rgâl trôk nar mih sial n’hanh mât đăp mpăn rnă njrăng ngih dak- rnă njrăng đăp mpăn. Bâh nău nĕ, ăp ntŭk kan, n’gâng kan an geh uănh năl na nê̆ ăp nău mpŏng kan lĕ dơi geh, ê hŏ dơi geh, nkô̆ nău n’hanh trong kan ndâk nsơm tĭng trong kan na nê̆. Ndrel đah ƀư lôch ăp nkô̆ mpŏng kan  nkuăl ƀon têh, n’gor Khánh Hoà uănh năl lvang năm 2026-2030 lah rơh hun hao ngăch nău wăng sa, nsrôih an geh nău hun hao 2 rnoh mbrô ndrel đah nău rgâl mhe rnoh mbrô nău kan tĭng trong kan di na nê̆. Gay ma dơi geh nkô̆ mpŏng kan tât năm 2027 Khánh Hoà jêng nkuăl ƀon têh bâh trung ương, n’gor lĕ geh uănh khlăy ta năui ntuh kơl geh săch kan ta công nghiệp công nghệ mhe, công nghiệp ueh nđir, logistics, nău wăng sa dak lêng, nkuăl ƀon têh ueh mhe n’hanh pâl nđaih ueh mhe.