Tâm ăp nar lam dak rƀŏng sĭt Đại hội XIV bah Đảng đah nău nsing nơm lăp tâm “Rơh hun hao lhung jong”, ta ntŭk ƀư trong cao tốc Bắc – Nam, gâl Chí Thạnh – Vân Phong hăn rlău n’gor Dak Lak, mông nar kan ƀư ndăn ngăch, gay lôch jêh lam njăr trong bah năp Tết Nguyên đán Bính Ngọ.

Nchrăp ƀư trong cao tốc Chí Thạnh – Vân Phong geh lĕ rngôch rnoh ntuh kơl bơi 11.000 rmen prăk, tă bah Ban Mât uănh trong nchrăp 7 ƀư tơm ntuh kơl. Trong nchrăp ƀư jong nklăp 48 km, bôk nthoi đah Cao tốc Quy Nhơn - Chí Thạnh; dŭt chruh đah trong Quốc lộ 1 (xã Hòa Xuân), buăt nthoi đah trong chruh mpeh bah lơ trong nâm neh Đèo Cả n’hanh trong cao tốc Vân Phong - Nha Trang. Trong dôl tâm rnôk ƀư ndăn ngăch, ăp nar ăp nuĭh tơm ndranh ƀư tâm pă bar pe jât bôk ndeh rklư máy móc ndrel hang rhiăng công nhân, kỹ sư ƀư ntrŭp mon. nchrăp ƀư lôch jêh lam njăr trong tâm nar 10/2 tât (bah năp Tết Nguyên đán Bính Ngọ), gay mbah rhơn Đại hội XIV bah Đảng; nkre rgop ƀư lôch jêh njăr trong cao tốc Bắc – Nam, njêng suan ntrôl khlay buăt nthoi tâm rsong tăch rgâl n’hanh hun hao wăng sa- rêh jêng kon nuĭh ta n’gor Dak Lak.