Tât aƀaơ, n’gor Kon Tum lĕ geh mbơh tơih ntŭk mât prăp rnoh mbrô dŏng nsum n’hanh ntŭk mât prăp rnoh mbrô điện tử an êng nuĭh, ntŭk kan bâh nău kan dịch vụ công trực tuyến bâh n’gor, ăp ntŭk kan mpeh rnoh mbrô mpeh ƀon lan gŭ, dak si, ntĭm nti, ndơ si gle, ntŭk gŭ rêh n’hanh tuch tăm geh nsrôih ƀư tĭng, rlău 98% nuĭh tât râng dŏng BHXH, BHYT, BHNT lĕ geh ƀư tâm ban n’hanh tâm di đah ăp rnoh mbrô ngih dak mpeh rnoh ƀon lan gŭ, lĕ rngôch ntŭk uănh săm ji ƀư tĭng tâm trok mô dŏng prăk măt...Ta rơh rƀŭn nchră, ăp đại biểu lĕ geh mbơh tơih âk nău tâm nchră n’hanh rgum tâm nchră đah ăp nău khlăy tâm nău kan rgâl mhe rnoh mbrô bâh n’gor, rgum mbơh rblang, tâm mbơh đah ăp trong kan ueh di, nău kan mhe tâm trong kan ƀư tĭng rgâl mhe rnoh mbrô. Uănh năl rgâl mhe rnoh mbrô lah ngoăy tâm âk nău nsrôih gay ma hun hao wăng sa rêh jêng, UBND n’gor Kon Tum đă ăp gâl kan, ăp n’gâng kan sŏk nuĭh ƀon lan ƀư tơm, doanh nghiệp ƀư nklang, ƀư tơm lĕ rngôch tâm nău rgâl mhe rnoh mbrô đah nău ŭch kơl an ƀon lan, doanh nghiệp.