Bah năp nau tât bah bri duh nar, mô tŏng dak tŏ ân tơm tăm yan puh tâm ăp khay dŭt yan vai, ntŭk kan tuch tăm n’gor Kon Tum rnôk aơ dôl n’hao nau mât têm dak ân ăp nglau dak ndrel pă, dŏng dak ân khoa học, têm nkrem gay ma njrăng mô tŏng dak.

Kơp tât lơ 6/3, rnoh dak tŏ bah 172 nglau dak, n’gar dak tâm n’gor Kon Tum hôm geh nklăp 50-70% rnoh hôm. Tâm 20 nglau dak têh bah n’gor, kơt: Đăk Uy, Đăk Yên, Đăk Rơn Ga... dak hôm ler mpông pling.

Tĭng nau kơp, rnoh dak tă bah ăp nglau mra tŏng ân nau kan tuch tăm vai. Yơn lah, n’gor Kon Tum mô dơi thơ tha, dôl ƀư âk nau kan gay đăp mpăn tŏng dak tŏ ân tơm tăm tâm ăp khay dŭt năm.

Yan puh năm aơ, lam n’gor Kon Tum srih tăm bơi tât 7000 ha ba dak, bơi tât 5000 ha mbo ndrel rlau 1000 ha byăp play ăp ntil. Ndrel ma nau đăp mpăn tŏng dak tŏ ân neh tăm aơ, ntŭk kan tuch tăm bah n’gor Kon Tum kŏ ân geh đăp mpăn dak tŏ ân âk rbăn ha tơm tăm jŏ năm ndrel tơm sa play./.