Kon Tum geh rơh rlơt ndeh ƀư lĕ nuĭh ƀĭt ndeh n’hanh nuĭh hăn ndrel khĭt.
Thứ tư, 00:00, 17/04/2024
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.M'nông: Rơh rlơt ndeh geh ta 1 mông n’gul ta ôi 16/4 n’hanh yor ndeh rdeng ndơ đăt ta brŏng dak. Aơ lah rơh rlơt prah ndeh tal 3 geh ta 4 nar ba năp ta n’gor Kon Tum ƀư an 4 nuĭh khĭt n’hanh 26 nuĭh êng rmanh.
Tâm rnôk ta ndeh ôto rdeng ndơ BKS:43C-145.16 yor Nguyễn Quang Nhãn, 32 năm deh, gŭ ta xã Quế Châu, nkuăl Quế Sơn, n’gor Quảng Nam ppĭt hăn bâh n’gor Quảng Nam hăn let n’gor Kon Tum ntơm tât ta yôk nque Lò Xo, ntŭk km1420+170 ta thôn Măng Khênh, xã Đăk Man, nkuăl Đăk Glei, n’gor Kon Tum rĭ geh rlơt êng.
Ta ntŭk rlơt an saơ ndeh o tô rdeng ndơ yor Nguyễn Quang Nhãn ƀĭt rĭ geh tup ta brŏng dak ta meng trong. Ndeh tup ta brŏng ƀư an nuĭh ƀĭt ndeh Nguyễn Quang Nhãn n’hanh nuĭh hăn ndrel Nguyễn Tấn Toàn, 25 năm deh ndrel gŭ ta xã Quế Châu, nkuăl Quế Sơn, n’gor Quảng Nam khĭt ta ntŭk, ndeh oto khuch âk. Kơt nĕ kanŭng tâm 4 nar ba năp ta Kon Tum mbro geh 3 rơh tâm tom ndeh ƀư nău tât dŭt hô ƀư geh 4 nuĭh khĭt n’hanh 26 nuĭh rmanh.
Viết bình luận