VOV4.M’nông- Kêng măng nar 15/9, ta Ngih năch Hữu Nghị, nkuăl ƀon têh Kon Tum, UBND n’gor Kon Tum leo ƀư bôk nău kan cà phê doanh nghiệp doanh nhân lôch tă âk khay tăch proăt yor geh ntưp nuh srê Covid-19.

Tâm ôp đah nuĭh leo kan n’gor Kon Tum ta  bôk nău kan cà phê doanh nghiệp doanh nhân, ndơn kan an âk doanh nghiệp an gĭt khân păng dôl geh mâp nău jêr lah ăp nău kăl e tâm trong kan ntuh kơl n’hanh pah kan tăch rgâl, kơt: mbrơi tâm trong doh rklaih nău kan hành chính lah nsum n’hanh trong kan neh ntu lah êng, nău “Ba lơ  duh, ba dâng nđik” tâm nău kơl nuĭh ntuh kơl hôm nha kŏ khan ta du đê̆ ntŭk, n’gâng kan. Ta bôk nău kan ăp doanh nhân lĕ geh dơn nău tâm ton bâh kruanh UBND n’gor Kon Tum mpeh nău way geh dơn ăp nău mbơh nkoch n’hanh doh rklaih ăp nău geh tât pah kan ntuh kơl, nkra njêng tăch rgâl ma doanh nghiệp ŭch geh kơl an.

Nuĭh rblang: Thị Đoắt