VOV4.M’nông – Jêh phŭt mrô 4, ta nkuăl Tu Mơ Rông, n’gor Kon Tum dak hao têh tay bah tu sĭt ƀư tâm nkhah ta 3 xă bah nkuăl Tu Mơ Rông, geh: Măng Ri, Đăk Na n’hanh Đăk Sao. 3 xă aơ aƀaơ geh dĭng lĕ nklăp 8.000 nuĭh. Rlău ma nĕ ta xă Tê Xăng, yor pĭch rlâm pĭt trong, neh lŭ brôi trong jêng 147 rnăk ta thôn Tu Thó geh nkhah êng.

Mkra nu nău tâm nkhah êng ta nkuăl Tu Mơ Rông.

Wa Võ Trung Mạnh, Kruanh UBND nkuăl Tu Mơ Rông an gĭt, n’gâng kan ƀon lan lĕ rgŏ jă ăp rmôt ndăn mkra. Na nê̆, đah trong hăn Măng Ri, Ủy ban nkuăl lĕ ntĭm rđău dân quân, công an, druh ndăm ntop kơl nuĭh ƀon lan tung ndeh, ntrôl ndeh rlău bâr rbông geh brôi. Aƀaơ knŭng hôm thôn Tu Thó, xă Tê Xăng geh nkhah êng lĕ rngôch. Rmôt kan dơi kan dôl ndăn mkra ơm ngăn.

VOV Tây Nguyên/  Nuĭh rlang: Y Sưng Phê Ja