Duh hô ntoch jong ƀư hang rhiăng rbăn ha bri ta n’gor Kon Tum nha hôm geh ma  nău ŭnh sa bri mô gĭt moh rnôk  tât. Ăp nuĭh tơm bri ta Kon Tum dôl n’hao dăng tay pah kan njrăng n’gang ŭnh sa bri. Tâm lĕ rngôch rnoh hvi rlău 56.000 ha bri njok ta 2 nkuâl Sa Thầy n’hanh Ngọc Hồi bah n’gor Kon Tum, Ban mât uănh bri gưl neh dak Chư Mom Ray ntrŏng năl nklăp 20.000 ha, tâm nê geh 250 ha bri tăm dôl geh ma nău ŭnh sa bri dŭt âk.

Wa Đào Xuân Thủy, Giám đốc Ban mât njrăng bri an gĭt, đơn vị dôl rgum lĕ rngôch mpôl mât njrăng ŭnh sa bri, lơn lah ta ăp nkual geh bri pih rêp kro, bri tơm ngâr  n’hanh bri tăm. Mpôl  mât njrăng bri 72 nuĭh, dơi tâm pă 14 ntŭk gŭ n’hanh 21 ntŭk kâp njrrăng. Nkre đah nkoch trêng, rgŏ jă, nkah nuĭh ƀon lan  mô dŏng ŭnh,  mô su mir ba  gay bah ir geh ma nău ŭnh sa.  Ntŭk kan dŏng Flycam gay groi nđôi ăp nar ơm ban saơ bah ngai gay lơh bah ŭnh sa năn ngăch./.