Tâm năm 2023 n’hanh 2024, Ban Thường vụ n’gor ủy Kon Tum n’hanh ăp gưl ủy đảng lĕ ndâk ƀư trong nchrăp n’hanh ndơ̆ nkô̆ nău nti n’hanh ƀư tĭng nău mĭn, nău rêh, pah kan Hồ Chí Minh tâm bôk nău kan ƀa ƀơ ta ntŭk, ntŭk kan. Aơ mĭn lah bah Ban Thường vụ N’gor ủy Kon Tum ta Rƀŭn nchră uănh lah 3 năm ƀư tĭng N’glôn jêh mrô 1 bah Bộ Chính trị mpeh ntrôl dăng nti n’hanh ƀư tĭng nău mĭn, nău rêh, pah kan Hồ Chí Minh ƀư ôi nđaơ 14/5, ta nkual ƀon têh Kon Tum.

3 năm bah năp, rlău 84.000 nuĭh cán bộ, đảng viên n’gor Kon Tum lĕ nti, mât uănh nkô̆ nău N’glôn jêh mrô 1 n’hanh chuyên đề nti, ƀư tĭng nău mĭn, nău rêh, pah kan Hồ Chí Minh bah n’gor. Wa Lê Quang Thới, Groi Kruanh Ban rnâng kan Ban Tuyên giáo n’gor ủy Kon Tum, an gĭt, n’gor lĕ ndâk njêng Chuyên đề “Nti n’hanh ƀư tĭng nău mĭn, nău rêh, pah kan Hồ Chí Minh mpeh dŭt n’hâm đah nău kan, rgop ndâk njêng Kon Tum hun hao ngăch n’hanh nâp nâl”.