VOV4.M'nông: Ta nkual Tây Nguyên, phŭt mbrô 4 lơh khuch dŭt âk ta Kon Tum. Âk ntung trong geh kol khan tă bah dak bŭk ler n'hanh nău pĭch rlâm hang dak bah lơ.  Nơm geh lor nchrăp ăp trong njrăng n'gang, rdâng lơh đah dak bŭk jêng lôch geh khuch khat ta ăp gâl trong hăn, n'gâng kan ntung trong nchuăn rdeng n'gor Kon Tum n'hanh n'gâng kan ăp nkuâl hŏ rgum mpôl kan mât đăp mpăn hăn ntung trong n'hanh an ƀư nkra bah khuch khat.

Na nê̆, ta njăr trong Hồ Chí Minh gâl hăn rlău nkuâl Đăk Glei ta năp dak băm jru, mpôl kan dơi kan đă nuĭh gŭ kâp njrăng, nchih mbơh njrăng đă nuĭh ƀon lan n'hanh ndeh rklư mô dơi chuah hăn rlău ntŭk băm jru gay mât đăp mpăn. Quốc lộ 40B gâl hăn rlău nkuâl Tu Mơ Rông, Quốc lộ 24 gâl hăn rlău Kon Plông geh âk ntŭk pĭch rlâm. Mpôl kan dơi rgum ndeh rklư n'hanh nuĭh kan rgum kuaih, jêng hŏ mbluh soih tay trong ndeh hăn./.

VOV Tây Nguyên

 Nuĭh rblang: Điểu Thân