VOV4.M’nông: Bah năp nau khih djơh dôl geh tâm ntŭk ân ndŏk ơm ta Ngih máy rklaih ndŏk Đăk Hà, Sở Tài Nguyên ndrel Môi trường n’gor Kon Tum đă Công ty aơ ƀư ăp nau kan gay ma mât ntŭk ntu gŭ âm. Tĭng nê, Công ty TNHH ƀư nau kan ndrel Công nghệ Môi trường DH (Rmôt tơm mât Ngih máy ndŏk) gay ntrơn dĭng lĕ rnoh ndơ dŏng gay ma n’um ndŏk tâm ntŭk ân ơm leo tât ngih máy ƀư ndum mô lah geh nau kan gay ma nkŭm ndâp, der nau dak mih lăp jêh ri lŏ ƀư n’hoch tât ntŭk ntu;

Kuih kuai lơn choih tâm nglau n’gâr dak dôl ma hoch luh ntŭk ndŏk ơm gay ma ƀư hao âk tay ntŭk ân bah nglau ơm; Ƀư ueh nau mât ân nâp ndrel n’hao prêh lơi mpir n’gar bah ntŭk ân ndŏk, gay mô ân păng n’hoch dak luh mô lah pling nglau dak rnôk geh mih têh; Geh nau kan ân tâm di gay ma rgum dĭng lĕ dak hoch luh tă bah ntŭk ndŏk ơm; N’hao nau puh dak si sinh học tâm ntŭk ân ndŏk gay ma bah oi nau ƀô ôm, bah oi rhuay jôp./.

Nŭih rblang: H’Thi