Bâh khay 2/2024, ăp ngih nti Phổ thông dân tộc nội trú tâm n’gor lĕ ntĭm đă rmôt kan way kan uănh nđôi, nglôch lôch bôk nău kan nti tơm khlăy n’hanh uănh năl tay nău dơi kan an tâm di đah rơh thi tốt nghiệp THPT ta lĕ rngôch ăp môn thi ma kon hoc dăn mbơh thi.

Lôch an kon hoc mbơh dăn thi nsum n’hanh dăn thi nău ŭch lăp ta ngih nti đại học ta bôk khay 3, ntơm bâh lơ 1/4 ăp ngih nti an ăp oh nti tât lĕ nar 22/6. Ngih nti PTTH Dân tộc nội trú n’gor Kon Tum năm aơ geh 178 kon hoc tât râng thi tốt nghiệp THPT. Lĕ rngôch mê̆ bơ̆ kon hoc tâm ban ŭch đah nău an oh kon nơm gŭ nti tay ta ngih nti nchrăp thi n’hanh ngih nti lĕ nti tay na nê̆ lơn. N’gâng kan ta ntŭk lĕ geh trong kan kơl an tâm di, ngăn lah đah ăp oh geh nău rêh jêr jŏt, kơl an ăp oh đăp mpăn lơn tâm rnôk nti tay nchrăp thi n’hanh ăp nar tât râng rơh thi tốt nghiệp THPT ta dŭt khay 6 tay.