VOV4.M’nông- Đah nău dơi lah rlău 10 nar uănh nđôi, uănh năl n’hanh geh nhŭp ăp nuĭh tâm nău tih “nău tih ntrŭnh mpeh sŏk dŏng, mât bri n’hanh ndơ si đar”, Công an nkuăl Sa Thầy geh rnê ndal. Ôi nar 20/9/2022 ta ntŭk kan công an nkuăl Sa Thầy, wa Dương Văn Trang, Ủy viên Trung ương Đảng, Bí thư n’gor Ủy, kruanh HĐND n’gor Kon Tum lĕ rnê n’hanh nkhôm ndal 20 rkeh prăk an công an nkuăl Sa Thầy.

Dơn săm ƀŭt mbơh tơih phong nău tih bâh Hạt kiểm lâm nkuăl, tâm rlău 10 nar ba năp, Công an nkuăl Sa Thầy lĕ uănh năl, n’hanh nhŭp ban geh du mpôl nuĭh tih “Mpeh nău tih sŏk dŏng, mât bri n’hanh si đar” geh ta nkual 6, tiểu khu 692, n’har đah xã mô Rai, nkuăl Sa Thầy, ta nkual neh bri yor Công ty TNHH MTV Lâm nghiệp Sa Thầy mât uănh. Aƀaơ, công an nkuăl Sa Thầy dôl geh rgŏ jă tay ăp nuĭh êng tât mbơh tơih gay ma ƀư lôch săm ƀŭt nău tih. Bí thư n’gor ủy Kon Tum lĕ đă Ban cán sự Đảng UBND n’gor, Đảng ủy công an n’gor, rnâng kan nkuăl ủy Sa Thầy an geh n’hao tay nău dơn kan, n’hao nău mât uănh, mât bri ta ntŭk, n’hao nău leo kan,  dơn kan bâh nuĭh tơm mât bri, ƀa ƀơ uănh nđôi, joi, ngăch ban nuĭh tih rmal tĭng nău ntrŭnh bâh pháp luật đah ăp nău ƀư tih mpeh luật mât bri..

Nuĭh rblang: Thị Đoắt