Ôi 15/12, Kruanh Ban Nội chính Trung ương Phan Đình Trạc râng ntơm rdâk ƀư "Trong hăn kan ndăng Quang Trung" ta xã Hàm Thuận Bắc, n’gor Lâm Đồng (nkuâl Hàm Thuận Bắc, n’gor Bình Thuận ơm). Tĭng “Trong hăn kan ndăng Quang Trung" đah nuih n’hâm jăch ndăn, n’gor Lâm Đồng hŏ ƀư ntơm rdâk mon 6 mblâm jay an ăp rnăk ƀon lan mhe geh roh nhih jay tâm rơh dak bŭk khay 12 ta xã Hàm Thuận Bắc.

Lah ta rnôk rđău đă, Bí thư Tỉnh ủy Lâm Đồng Y Thanh Hà Niê Kđăm lah rjăp, nău plơ̆ njêng tay jay gŭ lah nău dơn kan jăch ndăn n’hanh nuih n’hâm rŏng nuĭh, mpơl nău mât uănh jru bah Đảng n’hanh Ngih dak. Bí thư đă ăp đơn vị tơm ƀư ân pah kan đah nuih n’hâm jăch ndăn n’hanh nău dơn kan dŭt âk. Nău ŭch ndơ̆ luh lah dŭt mbrơi tât kêng dŭt khay 1/2026, ăp ntŭk ƀư ân wat jêh, đăp mpăn nâp uĕh gay nuih ƀon lan geh jay mhe wơt Tết Nguyên đán Bính Ngọ.