Ndơn măt kruanh Đảng, Ngih dak, Mặt trận Tổ quốc Việt Nam, Kruanh Ban Tuyên giáo n’hanh Dân vận Trung ương Trịnh Văn Quyết mbah rhơn Đại lễ Phật đản đăp mpăn, uĕh lăng tât ăp chư tôn đức giáo phẩm n’hanh tăng ni, phật tử lam dak.

Kruanh Ban Tuyên giáo n’hanh Dân vận Trung ương nsing nơm, đah nuih n’hâm yô̆ kơl, bôk rngok, đăp mpăn n’hanh nuih n’hâm rŏng dak, Giáo hội Phật giáo Việt Nam mbra hăn ndrel đah rnoi nuĭh; rgŏ jă tăng ni, phật tử nsrôih râng ăp ntrong leo tâm rlong rŏng dak, tâm rgop tâm di an nău kan hun hao neh dak. Nkhêp di rơh aơ, Kruanh Ban Tuyên giáo n’hanh Dân vận Trung ương Trịnh Văn Quyết mbah rhơn Giáo hội Phật giáo Việt Nam ƀư lôch uĕh Đại hội đại biểu Phật giáo lam dak rơh tal 10. Nkre djôt dơn ăp nău rgop têh bah tăng ni, phật tử đah nău kan hun hao neh dak, nâp nâl tâm rnglăp lam rnoi nuĭh.