Kêng măng lơ 24/5, ta ntŭk kan Chính phủ, Hội đồng mbơh nău m’ơk sĭt ơm lor năm gŭ ndrung lĕ geh uănh năl, mbơh tơih đah kruanh dak sĭt ơm lor đah năm gŭ ndrung an ăp nuĭh tih tŏng nău dơi an sĭt ơm di rơh kahgĭt 51 năm rklaih đăp mpăn miền Nam dơn ngoăy neh dak (30/4/2026), vơt rhơn geh nău dơi Đại hội đại biểu lam dak tal 14 bâh Đảng, săch đại biểu Quốc hội khoá 16 n’hanh săch đại biểu Hội đồng nhân dân ăp gưl năm kan 2026-2031. Ntoh ngơi ta rơh rƀŭn nchră, groi Thủ tướng rnâng kan Phạm Gia Túc lah na nê̆, nău tâm kơl n’hanh an m’ơk sĭt ơm đah năm gŭ ndrung an ăp nuĭh tih lah nău way ueh bâh mpôl rnoi he. Mpôl kan nchră nău m’ơk sĭt ơm đah năm gŭ ndrung năm 2026 lĕ geh dơn rlău 10 rbăn sƀ rhŏ nuĭh tih tŏng tâm di nău dơi an sĭt lor. Groi Thủ tướng rnâng kan Phạm Gia Túc đă ntrong kan uănh năl an geh ƀư na nê̆, tâm di đah pháp luật. Tĭng nău mbơh bâh ntŭk kan mbơh nchră nău an nuĭh gŭ ndrung sĭt ơm, gay ma nău kan an sĭt ơm năm 2026 geh nău dơi ueh, ăp gưl kan, ăp n’gâng kan, ăp ntŭk an geh mât uănh tât nău kan lăp gŭ tay đah ntŭk rêh jêng bâh ăp nuĭh tă gŭ ndrung sĭt rơh aơ, rgum âk nău mbơh tơih n’hao nău gĭt vât n’hanh dơn kan bâh ăp gưl uỷ Đảng, n’gâng kan, ăp ntŭk kan chính trị- rêh jêng, ntŭk kan n’hanh ƀon lan, mô geh tâm mưch, an geh nsum ti kơl an ăp nuĭh tă gŭ ndrung mô geh nău bêk nhĕ lăp gŭ nsum đah ntŭk rêh jêng ueh.