Kêng măng 24/6,Uỷ viên Bộ Chính trị, Kruanh Ban Tuyên giáo Trung ương – Nguyễn Trọng Nghĩa leo mpôl pah kan bah Ban Tuyên giáo Trung ương hŏ geh rơh pah kan đah Bộ chỉ huy tahen n’har bri n’gor Dak Lak. N’gul bôk năm aơ, Tahen n’har bri n’gor Dak Lak hŏ lor nchrăp rƀah gĭt nô nău tâm, bah dih n’har bri; way hăn rsong uănh,  ntrŭt ntrôl ăp đơn vị tâm pah kan nchrăp rdâng lơh n’hanh an ƀư ăp kôp ăp trong pah kan mât njrăng n’har bri n’hanh ta ntŭk.

Lah ta rơh pah kan, wa Nguyễn Trọng Nghĩa dăn đă, tâm let năp tay, Tahen n’har bri n’gor Dak Lak râng rdâk tay lam trong kan chính trị tâm dâng, tĭng ƀư geh nău tam ăp trong ntĭt leo kơl ƀon lan hun hao wăng sa- rêh jêng kon nuĭh, jut jăng ji ngot n’hŭch ach  o, rdâk njêng trong kan lam ƀon lan njrăng n’gang neh dak nâp dăng nkre đah ntŭk nsing nâp lam ƀon lan. Mât uĕh pah kan tâm boh dak bah dih, rgop rdâk njêng n’har bri đăp  mpăn, tâm rnglăp, tâm boh n’hanh hun hao./.