Nar 21/11, ta Nhih pah kan kruanh dak, Ban rđău đă Rdâk njêng Đề án N'glôch jêh 10 năm tĭng ƀư Nghị quyết Trung ương 8 khóa XI mpeh trong mât njrăng neh dak tâm nô nău mhe" hop rơh tâl pe. Kruanh dak Nguyễn Xuân Phúc, Kruanh Ban rđău đă ƀư tơm rơh hop. Lah ta rơh hop, Kruanh dak Nguyễn Xuân Phúc, Kruanh Ban rđău đă dăn đă ăp nuĭh kan tâm Ban rđău đă uănh năl jêh geh tĭng ƀư ăp nău kan tĭng trong nchrăp; tâm nchră rgop tay tâm Đề cương na nê̆ siƀŭt mbơh n'glôch jêh 10 năm tĭng ƀư Nghị quyết Trung ương 8 khoá XI; tâm nchră, an nău rgop tâm trong nchrăp Nghị quyết rgâl an Nghị quyết Trung ương 8 khóa XI.

Kruanh dak nchŏng kloh, Nghị quyết Trung ương 8 khóa XI hŏ tor dơi ăp gung trong, nău mĭn mhe,lah njuat hăn đăt ndal tâm  nău rđău kan bah Đảng đah nău kan mât njrăng neh dak tâm 10 năm aơ. Jêng, trong rƀŏng rdâk njêng trong nchrăp Nghị quyết rgâl an Nghị quyết Trung ương 8 khóa XI ân đăp mpăn nău mĭn tât ndơn tay lĕ rngôch ăp nkô̆ hôm geh rnoh khlay bah Nghị quyết Trung ương 8; ăp nău dơi, nău tă ơm gĭt kan ngăn ngăn rlău 30 năm rgâl mhe; kơi ntop nkô̆ mhe tâm di đah ngăn ngăn aƀaơ.

VOV/Nuĭh rblang: Điểu Thân