Nthoi tay hăn khâl, mbah rhơn Tết Nguyên Đán Giáp Thìn 2024, ôi 26/1, bah nkual ƀon têh Vũng Tàu, Kruanh dak Võ Văn Thưởng n’hanh mpôl pah kan hŏ ncho ndeh păr kung hăn tât ndrơng lôk bah Công ty Liên doanh Điều hành Cửu Long (way kuăl lah Cửu Long JOC), khâl, rgŏ jă, mbah rhơn Tết, pah kan đah cán bộ, kỹ sư dôl pah kan ta ndrơng lôk, ăp nuĭh ntơh măt an 6 rmưn cán bộ, nuĭh kan n’gâng kan tơm pring.

 Lôch djăt nău mbơh, Kruanh dak Võ Văn Thưởng njuăl nău tât lĕ rngôch cán bộ, nuĭh kan ndrơng lôk tơm bah Cửu Long JOC lah êng, lam n’gâng kan tơm pring lah nsum nău ôp khâl n’hanh mbah rhơn năm mhe dŭt uĕh lăng. Đah 415 rkeh thŭng pring lôk joi geh, Kruanh dak rnê âk Cửu Long JOC geh nău rgop khlay đah n’gâng kan tơm pring n’hanh tơm prăk ngân sách neh dak. Lah rjăp, nău kan lôk joi pring lah trong kan dŭt mha êng, Kruanh dak dăn đă cán bộ đảng viên công nhân viên tập đoàn pring xăng ân đăm gĭt jru an lah, hun hao wăng sa way nkre đah đăp mpăn njrăng n’gang neh dak rnă njrăng n’hanh nău mât đăp mpăn njrăng n’gang neh dak rnă njrăng way nkre đah hun hao wăng sa./.