Ntoh ngơi ntĭm đă ta rơh rƀŭn nchră, kruanh dak Lương Cường, rnê âk năm mhe nơh, ntŭk kan kruanh dak lĕ geh âk nău nsrôih ndâk nsơm nău jêr, tâm rgop đah ăp ntŭk kan geh tât tâm nău uănh năl ƀư nău kan âk an geh ƀư ƀa ƀơ, ngăch ndal, kơl an kruanh dak, Groi kruanh dak ƀư lôch ueh nău kan geh pă jao. Lah na nê̆ tât năm 2026 an geh nău ngluh mbơh đah ntŭk kan aơ lơ ma âk, lĕ rngôch n’hanh răng dăng lơn, tâm rnôk  rnoh nău kan geh hao âk,  âk ntil nău kan, kruanh dak đă ntŭk kan Kruanh dak an geh n’hao tay ăp nău dơi lĕ geh, rgum n’hao nău ueh tât râng mbơh tơih trong kan, mât đăp mpăn ngăch ndăn, tâm di, ăp nău pah kan bâh kruanh dak, groi kruanh dak, nkre lah leo kan mbơh ôp nău, tâm rgop an geh săk rnglăy đah ăp ntŭk kan geh tât tâm nău mbơh ƀư ăp nău ntrŭnh têh bâh Đảng, Ngih dak ndrel đah ƀư tĭng Nghị quyết Đại hôị 14, ntop mât đăp mpăn nău kan chính trị, ndrel ndâk nău knơm nâp nâl an nău kan rgâl mhe, rdâk njêng n’hanh mât Neh dak.