Kêng măng 8/1, ta ntŭk kan Kruanh dak, Kruanh dak Lương Cường hŏ vơt Kruanh n’gâng kan nchră nau, tâm rnglăp tâm nkuăl ndrel ƀon lan nơm tâm dak Công hoà Togo Robert Dussey, dôl geh rơh hăn khâl ngăn Việt Nam. Kruanh dak Lương Cường lah rjăp rơh khâl bah Kruanh n’gâng kan Robert Dussey ndrel ntoh măt bah Togo geh nau khlay, rgop nau ntrŭt dăng lơn tay nau tâm boh kan nsum ndrel tâm boh ăp ding đah 2 dak, ngăn lah tâm rnôk Việt Nam ndrel Togo dôl rƀŏng nkah 50 năm nar ndâk tâm boh nchră nau (8/2/1975-8/2/2025).

Mpeh nau tâm boh tuch tăm, đah nau blau ƀư âk nau kan tuch tăm 3 ding geh nau dơi ta Châu Phi, tâm nê geh Togo ndrel nau dơi lah ngoai tâm ăp dak tăch luh ndơ tuch tăm bôk năp lam ntur neh, Kruanh dak mbơh, Việt Nam mra tâm rgop ƀư âk nau tâm boh nkoch nau kan, jao nau blau, pă nŭih kơl an nau kan tuch tăm./.