Kêng măng 12/1, ta Nhih pah kan kruanh dak, Kruanh dak Lương Cường hŏ wơt Đại sứ Hoa Kỳ ta Việt Nam Marc Knapper tât ntĭnh sĭt nkhêp dŭt jêh năm pah kan. Kruanh dak mbah rhơn Đại sứ Marc Knapper wat jêh uĕh năm kan đah âk nău têl nkah khlay, nkre rgum nkah tay ăp njuat hun hao ntoh lư tâm boh Việt Nam – Hoa Kỳ tâm bah ri aơ, lơn lah nău bar dak n’hao tâm boh têh jong lam lĕ rngôch- ta gưl tâm boh dŭt têh tâm trong kan tâm boh dak bah dih bah Việt Nam.

Kruanh dak rnê âk ăp nău rgop uĕh bah Đại sứ Marc Knapper tâm nău ntrŭt ntrôl tâm boh bar ding hun hao, jŏ jong n’hanh lăp tâng jru nsing ta nău uănh khlay đăp mpăn, ƀư tơm, lam lĕ rngôch neh dak n’hanh trong tĭng chính trị nsum, nsĭt tay nău geh ngăn ngăn an ƀon lan bar dak.