Tâm rnôk hăn khâl ngăn dak Cộng hòa Chile, ta Thủ đô Santiago de Chile Kruanh dak Lương Cường hŏ wơt Kruanh Đảng xã hội Chi-lê, wa bu ur Paulina VodaNovic. Ta rơh wơt, Kruanh dak Lương Cường rnê âk nău bar dak, bar đảng nkoch âk nău tâm ban mpeh nđơr geh dah rŏng, đăp mpăn, tâm ban, rgâl mhe nău rêh nsing ta jâng tâm boh lhăt, tâm pă nău geh nsum, geh săk gay pơk hvi tâm boh, kơi ntop n’hanh tâm kơl nsum tâm rnôk hun hao yor ma nău geh bah ƀon lan ăp dak, yor ma đăp mpăn, tâm boh, hun hao ta nkual n’hanh lam ntŭr neh.

Kruanh dak lah rjăp, Việt Nam mpŏng tâm boh đah ăp dak  băl mpôl way ơm ta nkual Mỹ Latinh, lơn lah đah Chile, dak khlay dâk bôk  năp, geh nău dơi têk ndrêng rnôk lăp rgum tâm nkual, ntêng lêng nkual n’hanh nar lơn ma geh nău khlay lơn tâm ăp nkô̆ nău lam ntŭr neh. Kruanh dak ŭch rŏng tâm let năp tay, bar Đảng ân n’hao dăng kan nsum lhăt n’hanh an ƀư geh nău tam nău tâm ton tâm boh đah bar Đảng, nkre rdâk tay nău nsing nơm gưl têh n’hanh jâng nsing tâm boh chính trị ƀư ntŭk nsing n’hanh rƀŏng trong hun hao tâm boh lam lĕ rngôch đah bar dak, lơn lah ta ăp trong kan bar ding săk geh.

Tâm rnôk hăn khâl, Kruanh dak Lương Cường hŏ tât khâl jay drô Tổng thống Chile Salvador Allende, du hê băl têh bah Kruanh Hồ Chí Minh n’hanh ƀon lan Việt Nam; an kao si nkah gĭt Kruanh Hồ Chí Minh ta Chile.