Kêng măng 29/1, ta ntŭk kan Kruanh dak, Kruanh dak Võ Văn Thưởng vơt ăp ntoh măt ăp dak Ba Lan, Tây Ban Nha, Bangladesh leo săm ƀŭt, vơt ntoh măt Mozambique tât ntĭnh di rnôk lôch năm kan. Vơt nŭih kan ntoh măt bah Ba Lan Aleksander Surdej ndơn nau kan tâm Việt Nam, Kruanh dak rnơm lah, ntoh măt mra geh ăp nau rgop ngăn gay ma ntrŭt dăng nau tâm boh bar dak.

Kruanh dak lah rjăp, ƀon lan Việt Nam mro ryơk nau kơl an ndrel kơl an ueh khlay ma ƀon lan Ba Lan hŏ dŏng ân Việt Nam tâm lôch ăp năm tâm lơh gay nsĭt nau đăp mpăn, tâm ban neh dak kŏ kơt lah tâm nau ndâk ndrel hun hao neh dak. Vơt nŭih măt Tây Ban Nha Carmen Cano De Lasala, Kruanh dak ndơn saơ, nau tâm boh bar dak geh nau dơi ngăn tâm ăp nau kan. Kruanh dak đă bar dak n’hao nau rnơm chính trị, nchră nau, ntrŭt dăng ăp rơh hăn khâl gưl prêh ndrel ăp gưl./.