Nkhêp di nkah gĭt 40 năm Nar Nhà giáo Việt Nam, kêng măng 15/11, ta Ntŭk kruanh dak, Kruanh dak Nguyễn Xuân Phúc mâp măt, mbah rhơn 30 đại biểu ăp nai kruanh ơm, ăp đại biểu ntoh măt an Rmôt Nai Việt Nam.

Kruanh dak Nguyễn Xuân phúc ntoh ngơi ta rơh mâp măt

Ndơn măt Đảng, Ngih dak mâp măt ăp nai lĕ rlu ranh rgum tâm rmôt nai Việt Nam, Kruanh dak lah uĕh, nkah gĭt ăp Nai yor ăp nău rgop jŏ jong, geh săk rnglăy an nău kan ntĭm nti bah ngih dak he, nsơr soan an nău kan mât rong nuĭh, yor du nău rêh uĕh ang an rnoi mpôl. Ăp nău rgop soan, ăp nău mĭn ƀư mhe khoa học ntĭm nti dơi kơp dơn, mât uănh đŏng lah tă bah ăp nuĭh mât uănh ntĭm nti bah gưl prêh tât bah dâng, Kruanh dak Nguyễn Xuân Phúc an lah, nău ntô̆ n’hao tâm âk năm bah năp, neh dak he lĕ geh du rmôt nai pah kan mât uănh ntĭm nti dŭt n’hâm, mĭn ƀư mhe.