Ôi 16/11, Kruanh dak Nguyễn Xuân Phúc ndrel i ur ndrel rmôt kan ntoh măt gưl prêh Việt Nam hŏ tât Thủ đô Bangkok ntơm rơh khâl dak Thái Lan ndrel râng rơh rƀŭn ăp rđau kan văng sa tâm nchră tâm boh văng sa Châu Á-Thái Bình Dương (APEC) tal 29 tĭng nau jă bah Thủ tướng dak Thái lan Prayuth Chan-o-cha. Kêng măng ndrel nar, Thủ tướng Prayhut Chan-o-cha ndrel i ur hŏ ndrel ƀư tơm nar vơt bah Kruanh dak Nguyễn Xuân Phúc ndrel i ur.

Jêh nê, bar ding rđau kan mra tâm nchră gay nchrăp ăp nau kan têh lŏ mât nâp nau kan tâm boh kan nsum geh n’hao lơn ndrel ƀư jru nâp lơn tay nau tâm boh 2 ding. Bar rđau kan kŏ mra râng nau ký âk nau nchrăp ƀư nau tâm boh khlay đah 2 dak. Nchrăp lah, tâm rơh khâl Kruanh dak Nguyễn Xuân Phúc mra tâm nchră đah Kruanh Quốc hội Thái Lan Chuan Leekpai, tâm mâp đah ăp ntŭk kan tăch rgâl ntoh lư bar dak ndrel nsum mpôl nŭih Việt Nam tâm Thái Lai./.