Ôi 18/11, ta thủ đô Băng Cốc, Thái Lan, Tâm nchră tâl 29 ăp Kruanh rđău kan wăng sa bah Rgum nchră tâm boh wăng sa châu Á – Thái Bình Dương (APEC) hŏ ntơm pơk  ngăn. Lah ta rnôk tâm nchră, Kruanh dak Nguyễn Xuân Phúc an lah lam ntŭr neh dôl ŭanh khlay rgoh n'gơ hô, đah âk ntil nău jêr nchroh.

Rgum nchră APEC dôl tâm rdâng đah ăp ntul rlong mô hŏ tă geh, yor kơt nê̆, ăp  ntil nău dak lăp kan nsum tâm ban ŭch tâm nău mĭn n'hanh nău kan nar aơ geh nkô̆ dŭt khlay đah APEC n'hanh an âk rơh kơn bah kơi tay. Kruanh dak lah rjăp du châu Á - Thái Bình Dương bah tâm lơh tâm su, tâm boh, têh ndrŏng n'hanh hun hao nâp dăng lah rnoh ŭch tât kan, lah nău  dơn kan nsum, ân  geh nău nsum ti, dăch dêh bah lĕ rngôch ăp jâng wăng sa APEC.

VOV/Nuĭh rblang: Điểu Thân