Ôi 22/11, Kruanh dak Nguyễn Xuân Phúc n’hanh Mpôl đại biểu Quốc hội nkual ƀon têh Hồ Chí Minh mâp nuĭh ƀon lan Quận 10 gay mbơh jêh rơh rƀŭn tal 4, Quốc hội khóa 15. Ntoh ngơi ta nar mâp, Kruanh dak Nguyễn Xuân Phúc an lah ŭch trong kan njrăng, n’gang sa khâm geh săk rnglăy âk, an ntrôl dăng njrăng n’gang lor rnôk njrăng n’gang. Tĭng Kraunh dak, trong kan njrăng n’gang sa khâm năm bah năp dơi Đảng, Ngih dak n’hanh ăp gưl, nău kan ƀon lan uănh mĭn mro n’hanh ƀư uĕh, dơi geh âk săk rnglăy uĕh.

Kruanh dak Nguyễn Xuân Phúc an lah, nkual ƀon têh Hồ Chí Minh lah nkual ƀon têh uĕh, âk nuĭh ƀon lan jêng hôm e du đêt nuĭh ach o, mô hŏ đăp mpăn nău rêh. Yor nê, Kruanh dak đă n’gâng kan ƀon lan nkual ƀon têh Hồ Chí Minh uănh tât lơn, geh âk nău kơl lơn đah nuĭh ach o. An mât ăp ntrong kan ntoh lư tâm trong mât uănh an nuĭh ach o, ƀon lan chroh tĭng nuih n’hâm mô an geh nuĭh ntlơi bah kơi.