Ôi 18/11, Kruanh dak Nguyễn Xuân Phúc hŏ geh rơh tâm mâp đah Tổng thống Philipines Ferdinand Romualdez Marcos di rnôk râng Du pơh rƀŭn gưl prêh APEC ta Bangkok, Thái Lan.

Tâm nar mâp, bar rđau kan tâm ban âu ntrŭt dăng ăp nau nsôih gay ma lŏ leo nau tâm boh bar dak lăp tâm nau jru ndrel săk tam ngăn, tâm nê geh nau uănh khlay nau n’hao tâm nchră gưl prêh ndrel ăp gưl, ƀư ueh ăp nau kan tâm boh ơm geh kơt dak lêng, tuch tăm, tui ka, ntĭm nti, pah kan...

Nkre pơk hvi nau tâm boh tât ăp nau kan geh nau dơi kơt lah njrăng rdâng nau rgâl mhe trôk nar, văng sa mrô, nau hun hao ndrih, tăch rgâl điện tử, ŭnh nar ndâk njêng ơm. Tâm nchră mpeh nau kan bah nkuăl ndrel lam ntur neh êp aơ, bar rđau kan hŏ lah rjăp nau nsôih mra lŏ tâm rgop ngăn gay ma ntrŭt dăng nau tâm rnglăp ndrel mât nau ƀư nau kan tơm khlay bah ASEAN tâm ăp nau kan đăp mpăn nsum, geh Biển Đông, rgop tâm ăp nau nsôih ndâk ntŭk ntu đăp mpăn, rnă njrăng ndrel hun hao tâm nkuăl ndrel lam ntur neh./.