Rơh rƀŭn nchră geh nău tât râng bâh rlău 850 nuĭh leo kan ăp doanh nghiệp bôk năp n’hanh ta nkual, n’hanh ndơn kan bâh ăp ntŭk leo kan lam ntur neh.

Ntoh ngơi ta rơh rƀŭn nchră, kruanh dak Nguyễn Xuân Phúc lah na nê̆ nău ntul rlong đah tăch rgâl n’hanh ntuh kơl bâh lam ntur neh, kơt lah hun hao tăch rgâl lam ntur neh năm aơ kanŭng geh rnoh 3,5% n’hanh hŭch âk hôm 1% ta năm tât tay, ăp nău tâm rkeh ta ntŭk kan chính trị, n’hao nău khlăy mpeh ŭnh nar n’hanh ndơ sông sa hao khlăy, mô tŏng rnoh ndơ pă an, rnoh ndơ hao khlăy prăk mô khlăy. Kruanh dak Nguyễn Xuân Phúc lah na nê̆ ăp nău dơi n’hanh nău nkhêp rnôk tâm rgop kan ndrel đah Việt Nam, tâm nĕ lĕ geh ký n’hanh ƀư tĭng bơi tât 60 nău tâm ton ntrŭt kan, mât kơl ntuh kơl n’hanh ƀư tĭng 15 nău tâm ton tăch rgâl đăp mpăn FTA, tâm nĕ geh âk FTA rơh mhe.