VOV4.M'nông: Nar 28/9, Kruanh dak Nguyễn Xuân Phúc hŏ ôp srĭng nău kađăch Nhật Bản Naruhito nkhêp geh tât râng wer khĭt lam dak drô Thủ tướng Nhật Bản Abe Shinzo, nuĭh băl dêh bên bah neh dak n'hanh ƀon lan Việt Nam ta Tokyo, Nhật Bản.

Ta rơh ôp srĭng nău, Kruanh dak Nguyễn Xuân Phúc mpơl nău tâm pă rngot ta năp nău roh ndal bah drô Thủ tướng Abe Shinzo; lah rjăp ăp nău rŏng mha êng n'hanh nsrôih ntrŭt ntrôl tâm boh tâm rnglăp Việt Nam – Nhật Bản nar lơn ma hun hao dăng, ntoh lư lah n'hao gưl tâm boh têh jong jru hvi n'hanh đăp mpăn têh ndrŏng ta Châu Á năm 2014, lah ăp drăp ndơ ntlơi an tay mpêt khlay ân dơi bar dak mât ndray n'hanh mpư n'hao uĕh. Kađăch Nhật Bản an lah nău n'hao dăng nău nsĭng nơm n'hanh tâm gĭt wât nsum đah ƀon lan bar dak tâm ăp nău kan tâm nđŭr văn hoá, tâm nđŭr ƀon lan, lơn lah tâm năm nkah ndray 50 năm njêng tâm boh Việt Nam - Nhật Bản, geh nkô̆ dŭt khlay đah nău hun hao tâm boh bar dak./.

VOV.VN

Nuĭh rblang: Điểu Thân