VOV4.M’nông-Kruanh dak Nguyễn Xuân Phúc mhe geh rơh pah kan đah rnâng kan n’gor Ủy Hưng Yên. Ntoh ngơi ntĭm đă ta rơh pah kan, Kruanh dak Nguyễn Xuân Phúc mbơh tơih ăp nău dơi geh, nău dơi têh khlăy bâh Hưng Yên, nĕ lah ntŭk nklang bâh nkual rđŭng Sông Hồng, neh ntu ueh jêng, ta nklang thủ đô, trong hăn dơh nơih geh nău dơi gay ma hun hao ntŭk tăch rgâl.

Kruanh dak Nguyễn Xuân Phúc leo rơh pah kan

Tâm nău mpŏng hun hao let năp tay, kruanh dak ŭch đah Đảng bộ n’gor mpeh nău kan săch pe trong hun hao tơm khlăy lah njêng n’hanh mât uănh an hun hao tĭng nău nchrăp kan ta n’gor, hun hao trong hăn ndơ dŏng nău wăng sa- rêh jêng, tơm khlăy lah trong hăn, rdâk njêng mpôl cán bộ geh nău dơi kan, nău blau kan n’hanh mpôl pah kan ueh di. Lah na nê̆, nău wăng sa hun hao âk, geh an tơm prăk ngih dak ueh, êng năm aơ nchrăp mbra geh 51 rbăn rmen prăk lah dŭt khlăy. Gay ma ƀư ueh jăp ăp nău kan ngluh mbơh, kruanh Nguyễn Xuân Phúc đă Đảng bộ n’gor Hưng Yên n’hanh trong kan chính trị geh nău nsrôih âk tay lơn gay ma ăp chi bộ, ăp nuĭh ƀon lan tât râng mbơh ƀư.

VOV/Nuĭh rblang: Thị Đoắt