Ta Ngih mprơ têh Hà Nội, N’gâng kan Khoa học n’hanh Công nghệ ƀư an ndơ nkhôm Hồ Chí Minh, Ndơ nkhôm Ngih dak mpeh Khoa học n’hanh Công nghệ rơh tal 6 an 12 ndơ ƀư, rkum ndơ ƀư dơi an ndơ nkhôm Hồ Chí Minh n’hanh 17 ndơ ƀư, rkum ndơ ƀư an ndơ nkhôm Ngih dak. Ntoh ngơi ta nar an ndơ nkhôm, Kruanh dak Nguyễn Xuân Phúc rnê nău nsrôih, săk rnglăy n’hanh ndơ geh têh ma ăp nuĭh khoa học lĕ dơi geh n’hanh mbah rhơn 281 nuĭh, ndrel nuĭh ƀư dơi an ăp ndơ nkhôm.

Kruanh dak Nguyễn Xuân Phúc an ndơ nkhôm an rmôt nuĭh ƀư geh ndơ nkhôm.

Nkoch nău rƀŏng tât năm 2030, Việt Nam lah dak geh công nghiệp mhe, tâm rmôt 15 dak tăch n’gluh têh ngăn lam ntŭr neh, Kruanh dak an lah, ăp ndơ nkhôm Hồ Chí Minh, Ndơ nkhôm ngih dak mpeh Khoa học n’hanh Công nghệ an du nău ƀư têh ăp nsrôih ntrôl hun hao bah nău rêh rgâl mhe mĭn ƀư mhe neh dak, hun hao trong công nghiệp mhe bah dak he.