Ta rơh tâm nchră, bar ding tâm ban ŭch n’hao nău tâm mâp, tâm rgâl kan gâl têh, n’hao tay nău kan bâh ăp ntŭk kan lập pháp ta trong ntrôl tâm boh kan bar ding tâm ban kơt tâm rgop uănh nđôi ăp nău tâm ton tâm kơl đah bar dak, tâm mbơh nău tă kan mpeh rdâk njêng n’hanh ƀư lôc nău kơl kan, pháp luật gay ma njêng nău dơh nơih an tâm kơl bar dak.

Tâm mbơh mpeh nău ta lam ntur neh n’hanh ta nkual, kruanh dak dăn đă Quốc hội Thái Lan an geh kơl tay nău mĭn nsum bâh ASEAN mpeh nău mât đăp mpăn, ueh lăng, mât đăp mpăn rnă njrăng, đăp mpăn n’hanh ueh lăng dah rŏng tăch ndơ mât ueh ta dak lêng n’hanh ka lơ trôk ta Biển Đông, doh rklaih nău tâm pit đah ăp trong kan ueh , bâh nău kan luật pháp lam ntur neh.