Tâm rnôk hăn khâl gưl neh dak tât Hàn Quốc, nar 05/12, ta Seoul, Kruanh dak Nguyễn Xuân Phúc hŏ geh rơh tâm nchră êng n'hanh rgum nchră đah Tổng thống Hàn Quốc Yoon Seok Yeol. Lah ta rơh tâm nchră, Tổng thống Yoon Seok Yeol lah rjăp Hàn Quốc way ŭanh Việt Nam lah dak tâm boh khlay, an rong lor trong kan tâm boh dak bah dih bah Hàn Quốc n'hanh nkual.

Nsing ta ăp nău dơi hŏ geh khlay, đah nău nsing nơm âk tâm boh let năp tay đah bar dak, bar kruanh mât bôk kan hŏ ndrel mbơh n'hao têh tâm boh Việt Nam – Hàn Quốc hao "Tâm boh têh jong lam lĕ rngôch", pơk  luh du trong hun hao mhe an tâm boh bar dak. Bar ding tâm ban ŭch ntrôl dăng tâm boh lam lĕ rngôch mpeh tăch rgâl, ntuh kơl tâm boh hun hao n'hanh ndơ̆ rgâl công nghệ, rgop dâk tay n'hanh hun hao  wăng sa, rêh jêng kon nuĭh bên di đah nô nău  mhe. Lôch jêh tâm nchră, bar kruanh n'gluh nău mbơh nsum Việt Nam - Hàn Quốc mpeh tâm boh têh jong lam lĕ rngôch rƀŏng tât tâm boh nsing nơm jru hvi lơn đah bar dak ta lĕ rngôch ăp trong kan nar lơn ma lăp jru, ngăn ngăn n'hanh nsĭt geh nău dơi tam lơn.

VOV/Nuĭh rblang: Điểu Thân