Ta Nhih pah kan kruanh dak, Kruanh dak Nguyễn Xuân Phúc wơt Thống đốc bang South Australia (Nam Australia), wa bu ur Frances Adamson dôl geh hăn khâl pah kan ta Việt Nam.

Ta rơh wơt, Kruanh dak Nguyễn Xuân Phúc lah rjăp, Việt Nam way ŭanh khlay ntrŭt ntrôl tâm boh têh jong đah Australia, du dak tâm boh khlay bah Việt Nam ta Nam Thái Bình Dương n'hanh lah dak tâm boh têh jong lam lĕ rngôch bah ASEAN. Kruanh dak rnê âk nău ăp bang bah Australia an lor ntrŭt ntrôl tâm boh đah Việt Nam; ăp n'gor bar dak nsrôih joi trong n'hao dăng tâm boh; tâm nê bang South Australia tâm boh đah Nghệ An, Đà Nẵng mpeh ntĭm nti. Kruanh dak dăn đă bang South Australia pơk hvi tâm  boh đah âk n'gor êng ƀa ƀă bah Việt Nam; nkre ơm mĭn uănh pơk Văn phòng ntơh măt tăch rgâl- ntuh kơl ta Việt Nam.

VOV/Nuĭh rblang: Điểu Thân